दिवाळसण

दिवाळी पाडवा म्हणजे दीपोत्सवातील प्रेम, समृद्धी आणि नव्या सुरुवातीचा दिवस. लक्ष्मी पूजनाच्या दुसऱ्या दिवशी येणारा हा सण बलिप्रतिपदा या नावानेही ओळखला जातो. या दिवशी दानशूर बळीराजाचे स्मरण केले जाते, पत्नी पतीचे औक्षण करते आणि व्यापारी नव्या वर्षाचा श्रीगणेशा करतात. साडेतीन शुभ मुहूर्तांपैकी हा एक मुहूर्त असल्याने खरेदी आणि नव्या कामांनाही हा दिवस उत्तम मानला जातो.